„ნიუტონის თავისუფალი სკოლა“ 2013 წელს დაარსდა და 0-იდან 12 კლასის მოსწავლეებს, მსოფლიოში საუკეთესოდ აღიარებულ, საერთაშორისო ბაკალავრიატის (The International Baccalaureate®) სასწავლო პროგრამებს სთავაზობს:

1. დაწყებითი საფეხურის პროგრამა (PYP ფრესქული, PYP 1-5 კლასები)

2. შუალედური საფეხურის პროგრამა (MYP 6-10 კლასები)

3. დამამთავრებელი საფეხურის პროგრამა (DP 11-12 კლასები)

IB დიპლომი აღიარებულია საქართველოში, „გათანაბრებულია სრული ზოგადი განათლების დამადასტურებელ დოკუმენტთან და იძლევა განათლების შემდგომ საფეხურზე სწავლის გაგრძელების უფლებას“.

2024-2025 აკადემიური წლიდან, „ნიუტონის თავისუფალი სკოლა“ მოსწავლეებს ორ მისამართზე იღებს:

1. „ნიუტონის თავისუფალი სკოლა“ თბილისში (0-12 კლასები)

2. „ნიუტონის თავისუფალი სკოლა“ საგურამოში (0-5 კლასები)

„ნიუტონის თავისუფალი სკოლა“ ზრუნავს თავისი მოსწავლეების ინტელექტუალურ, სოციალურ, ემოციურ და ფიზიკურ განვითარებაზე. სკოლის მიზანია მოსწავლეებს ადრეული ასაკიდანვე განუვითაროს დამოუკიდებლად და კრიტიკულად აზროვნების უნარები.

სკოლა აღჭურვილია თანამედროვე ინფრასტრუქტურით და სასწავლო ლაბორატორიებით. სკოლის ტერიტორიაზე არის დახურული სპორტული დარბაზი და ღია სპორტული მოედანი, საცურაო აუზი და სხვა აუცილებელი სივრცეები სწავლებისა და სწავლისთვის სასიამოვნო და კომფორტული გარემოს შესაქმნელად.

„ნიუტონის თავისუფალი სკოლის“ მოსწავლეები მრავალფეროვანი ინტერესებით გამოირჩევიან, შესაბამისად, ძირითად კურიკულუმთან ერთად, სკოლა თავის მოსწავლეებს სხვადასხვა საკლუბო მეცადინეობებს სთავაზობს.

ნიუტონის თავისუფალი სკოლის მისია მოსწავლეთა პოტენციალის გამოვლენა და განვითარებაა, რათა ისინი ჩამოყალიბდნენ სიახლის შეცნობის მსურველ, განათლებულ და მზრუნველ მსოფლიო მოქალაქეებად, რომლებსაც შეუძლიათ გამოიჩინონ ინიციატივა  სამყაროს უკეთესობისკენ შესაცვლელად.

ამის მისაღწევად ნიუტონის თავისუფალი სკოლა ცდილობს, მოსწავლეებისთვის შესწავლის, აღმოჩენის, ახალი ცოდნისა თუ უნარების დაუფლების პროცესი იყოს სასიამოვნო როგორც საკლასო ოთახებში, ისე – მათ მიღმა. ჩვენი მიზანია:

2024-2025 აკადემიური წლიდან, ნიუტონის სკოლა მოსწავლეებს იღებს საგურამოშიც, ფრესქულის (PYP) და დაწყებითი საფეხურის (PYP 1-5 კლასები) პროგრამებზე. სკოლის ტერიტორიაზე მოწყობილია მრავალფეროვანი სარეკრეაციო ზონები სუფთა ჰაერზე სწავლისა და თამაშისთვის.

საერთაშორისო ბაკალავრიატის (IB) დაწყებითი საფეხურის პროგრამის შესახებ დეტალური ინფორმაცია იხილეთ ბმულებზე: PYP ფრესქული, PYP 1-5 კლასები.

„ნიუტონის თავისუფალ სკოლაში“ მიღების და მობილობის პროცედურებს გაეცანით ბმულზე.

სკოლის ზუსტი ადგილმდებარეობის სანახავად, მიჰყევით ბმულს

„ნიუტონის თავისუფალი სკოლის“ შესახებ ნებისმიერი კითხვის შემთხვევაში, მიმართეთ მშობლებთან ურთიერთობის სამსახურს:

ტელეფონი: 570 705090; 570 705080
ელ. ფოსტა: info@newton.edu.ge

„ნიუტონის თავისუფალი სკოლის“ ბიბლიოთეკა სასკოლო ცხოვრების განუყოფელი ნაწილია. 7000-ზე მეტი ერთეულისგან შემდგარი საბიბლიოთეკო ფონდი მხატვრულ და სამეცნიერო ლიტერატურას, პროფესიულ რესურსებს და სასკოლო სახელმძღვანელოებს აერთიანებს. სკოლის ბიბლიოთეკა მოსწავლეების, მასწავლებლების და სკოლის სხვა თანამშრომლების პროფესიული, ინტელექტუალური და შემოქმედებითი განვითარებისათვის ფუნქციონირებს.

„ნიუტონის თავისუფალი სკოლის“ ბიბლიოთეკა გეგმავს და ახორციელებს სხვადასხვა  ღონისძიებებს, მათ შორის, საჯარო ლექციებს, წიგნის პრეზენტაციებს, კინოჩვენებებს, გამოფენებს, მწერლებთან და ხელოვანებთან შეხვედრებს, დისკუსიებს და სხვა.

სტაჟირების პროგრამის ფარგლებში, „ნიუტონის თავისუფალი სკოლის“ მოსწავლეები ეცნობიან ბიბლიოთეკის საქმიანობას, შეისწავლიან წიგნადი ფონდის მართვას, წიგნების დამუშავებას, მონაწილეობენ ბიბლიოთეკის მიერ ორგანიზებული ღონისძიებების დაგეგმვაში და სხვა.