„პატრონუსი“ „ნიუტონის თავისუფალი სკოლის“ პარტნიორი საბავშვო ბაღია, სადაც ბავშვები თავად არიან სასწავლო პროგრამის ავტორები. ბაღის გარემოში თითოეული ბავშვი პროცესის თანაბარუფლებიანი მონაწილე არის. სასწავლო პროგრამა მათზე დაკვირვებით, მათი ძლიერი მხარეებისა და ინტერესების გათვალისწინებით იქმნება. ბავშვებს აქვთ საკუთარი აზრები, ფიქრები და შეკითხვები, რომლებიც დაფასებული და გათვალისწინებულია.

კვლევისა და კითხვების დასმის შედეგად, ბავშვებმა იციან, რომ დაიკმაყოფილებენ ცნობისმოყვარეობასა და მიიღებენ ახალ გამოცდილებას. ისინი გამოხატავენ, აზიარებენ, წარმოაჩენენ და განიმტკიცებენ მიღებულ ცოდნასა და გამოცდილებას. „პატრონუსის“ ბაღის ხედვით, ბავშვი არის ძლიერი, შრომისუნარიანი, დამოუკიდებელი, ცნობისმოყვარე და ფართო წარმოსახვის მქონე პიროვნება.

„პატრონუსის“ მიზანია ბავშვებში აზროვნების, შემეცნებისა და კვლევის უნარების გაძლიერება, რაც მათ დაეხმარება ჩამოყალიბდნენ დამოუკიდებელ ადამიანებად და თავადვე იყვნენ პასუხისმგებელნი საკუთარ არჩევანსა და გადაწყვეტილებებზე.

დამატებითი ინფორმაციისთვის დაუკავშირდით „პატრონუსის“ საბავშვო ბაღს ტელეფონზე 0322 90 70 11 ან მოგვწერეთ ელ. ფოსტაზე info@patronus.edu.ge

„ნიუტონის თავისუფალი სკოლის“ ბაზაზე დაფუძნებული „რობოტიკის აკადემია“ მოსწავლეებს ლეგო-რობოტიკის, ელექტრო-ინჟინერიისა და პროგრამირების შემსწავლელ კურსებს სთავაზობს. აკადემიის მიზანია ტექნოლოგიური სფეროებით დაინტერესებული ახალგაზრდების შთაგონება და მათი თვალსაწიერისა და შესაძლებლობების გაფართოება „რობოტიკის აკადემია“ მსურველებს სირთულის სხვადასხვა დონის კურსებს სთავაზობს, რომლებიც განკუთვნილია როგორც დაწყებითი, ისე შუალედური და დამამთავრებელი კლასების მოსწავლეებისთვის.

დამატებითი ინფორმაციისთვის დაუკავშირდით „რობოტიკის აკადემიას“ ტელეფონზე 555 490 123, ან ელ. ფოსტაზე robotics@newton.edu.ge

ლეგო-რობოტიკა

ლეგო-რობოტიკის კურსებზე მოსწავლეები პროგრამირების საფუძვლებს და რობოტების აწყობას შეისწავლიან. შედეგად, საკუთარი ხელით ქმნიან და აპროგრამებენ რობოტებს. ამავდროულად, გამოიმუშავებენ პრობლემების გადაჭრის, კრიტიკული, ლოგიკური და ალგორითმული აზროვნების და გუნდური მუშაობის უნარებს. ადგილი, სადაც წარმოსახვა და ფანტაზია ხელშესახებ ქმნილებებად გადაიქცევა.

ელექტრო-ინჟინერია

ელექტრო-ინჟინერიის საფუძვლების გააზრებიდან, ელექტრონული სისტემების შექმნამდე, აკადემიის მოსწავლეები იაზრებენ იმ როლს, რომელსაც ელექტროენერგია თამაშობს ჩვენ გარშემო არსებული ტექნოლოგიის მომარაგებაში. პრაქტიკულ მეცადინეობებზე დაფუძნებული კურსები მოსწავლეებს პრობლემების გადაჭრის, კრიტიკული, ლოგიკური აზროვნების,  ინჟინრული, სისტემური ხედვის და გუნდური მუშაობის უნარების განვითარებაში ეხმარება.

პროგრამირება

ტექნოლოგიური მიღწევებით დომინირებულ ციფრულ ეპოქაში, პროგრამირება აუცილებელი და მოთხოვნადი უნარია. მოსწავლეები აკადემიაში პროგრამირების საფუძვლებს და პროგრამირების ერთ-ერთ ყველაზე პოპულარულ ენას – პითონს შეისწავლიან.

2021 წელს, საფეხბურთო კლუბ „თბილისის ლოკომოტივის“ და  „ნიუტონის თავისუფალი სკოლის“ 6-წლიანი პარტნიორობა ახალ ეტაპზე გადავიდა და ნიუტონის სკოლის სტადიონზე „თბილისის ლოკომოტივის“ საფეხბურთო აკადემიის ფილიალმა დაიწყო ფუნქციონირება. ხანგრძლივი საფეხბურთო ისტორიითა და წარსულით გამორჩეული ქართული კლუბის აკადემიაში მოსწავლეები ასაკობრივი ჯგუფების სპეციფიკაზე მორგებული, სპეციალურად შემუშავებული სამწვრთნელო პროგრამებით ვარჯიშობენ. ვარჯიშებს ლოკომოტივის გამოცდილი მწვრთნელები უძღვებიან.

„თბილისის ლოკომოტივის“ საფეხბურთო აკადემია ფეხბურთით დაინტერესებულ მოსწავლეებს  სწორ სამწვრთნელო ფილოსოფიასა და მიდგომებს, თანამედროვე სტანდარტების შესაბამის სავარჯიშო მოედანს, მაღალკვალიფიციურ მწვრთნელებს და მენეჯმენტის გამართულ სისტემას სთავაზობს.

დამატებითი ინფორმაციისთვის დაუკავშირდით „თბილისის ლოკომოტივის“ საფეხბურთო აკადემიას ტელეფონზე 574 052 090, ან ელ. ფოსტაზე tgogoladze@fcloco.ge

„დინამოს“ ცურვისა და წყალბურთის აკადემია მოსწავლეების ცურვის შემსწავლელ კურსებს სთავაზობს. ცურვის ვარჯიშები, რომლებსაც საქართველოს ეროვნული ნაკრების მოქმედი და ყოფილი წევრები, საქართველოს ჩემპიონატების პრიზიორები და საერთაშორისო ტურნირების გამარჯვებული სპორტსმენები უძღვებიან, „ნიუტონის თავისუფალი სკოლის“ 25X15 მეტრის ზომის საცურაო აუზზე ტარდება.

„დინამოს“ ცურვისა და წყალბურთის აკადემიაში მოსწავლეები შესაბამისი დონეების მიხედვით ნაწილდებიან და სპორტში საწყისი საფეხურიდან პროფესიონალურ დონემდე ვითარდებიან, შეისწავლიან წყალში დამოუკიდებლად და სწორად მოძრაობის მეთოდებს, ეტაპობრივად ეუფლებიან როგორც საბაზისო უნარებს, ასევე სხვადასხვა სტილით ცურვას და საწყლოსნო სიტუაციებში უსაფრთხოების წესების დაცვას.

აკადემიის მოსწავლეები მონაწილეობას იღებენ  შიდა ასაკობრივ ტურნირებში, ხოლო შესაბამისი მონაცემების მქონე მოსწავლეები ასპარეზობენ საქართველოს ეროვნულ ჩემპიონატში.

დამატებითი ინფორმაციისთვის დაუკავშირდით „დინამოს“ ცურვისა და წყალბურთის აკადემიას ტელეფონზე 598 011 414, 599 011 420, 0322 141 401 ან ელ. ფოსტაზე contact@wpcdinamo.ge

„ნიუტონის თავისუფალ სკოლაში“ ჩვენი პარტნიორის, „ორბის“ კალათბურთის აკადემია ფუნქციონირებს. ნიუტონის სკოლა და საკალათბურთო კლუბი „ორბი“ აქტიურად თანამშრომლობენ იმ გარემოს შესაქმნელად, სადაც მოსწავლეები რეალიზებულნი არიან როგორც საკლასო ოთახებში, ისე – მათ მიღმა. ჰოლისტურ განვითარებაზე ფოკუსირებული ვარჯიშებისა და მენტორობის გზით, „ორბის“ კალათბურთის აკადემიის მწვრთნელები ზრუნავენ მოსწავლეების ტექნიკური შესაძლებლობების, სტრატეგიული აზროვნების, გუნდური მუშაობის უნარებისა და ფიზიკური მომზადების განვითარებაზე.

აკადემიის გუნდები ასპარეზობენ ეროვნულ ტურნირებში, სადაც ისინი მნიშვნელოვან წარმატებებს აღწევენ. დამატებით, „ორბის“ კალათბურთის აკადემიის გუნდები მონაწილეობას იღებენ საერთაშორისო ტურნირებში. ეს გამოცდილება არა მხოლოდ აუმჯობესებს მოსწავლეების საკალათბურთო უნარებს, არამედ ეხმარება მათ კულტურული მრავალფეროვნებების შეცნობასა და გლობალური საკალათბურთო საზოგადოების შესახებ ახალი პერსპექტივების ჩამოყალიბებაში.