„ნიუტონის თავისუფალი სკოლა“

დაწყებითი საფეხურის პროგრამა

© International Baccalaureate Organization 2024

საერთაშორისო ბაკალავრიატის (IB) დაწყებითი საფეხური პროგრამა (PYP) 3-12 წლის მოსწავლეებისთვის არის განკუთვნილი და მსოფლიო ლიდერია მომავალზე ორიენტირებული, დროგამძლე განათლების მიმართულებით. პროგრამის მიზანია მზრუნველი, აქტიური ახალგაზრდების აღზრდა და მათთვის სწავლის სიყვარულის განმტკიცება, რომელიც მთელი ცხოვრების განმავლობაში გაჰყვებათ.

კვლევასა და რეფლექსიაზე დაფუძნებული სწავლების გზით, PYP-ის მოსწავლეები ცოდნას, კონცეპტუალურ გაგებას და IB მოსწავლის პროფილისთვის დამახასიათებელ უნარებსა და ატრიბუტებს იძენენ, რათა პოზიტიური ცვლილებები განახორციელონ როგორც საკუთარ ცხოვრებაში, ისე ზოგადად, საზოგადოებაში.

PYP-ის მიზანია დამოუკიდებელი და ამავდროულად, თანამშრომლობითი უნარების მქონე მოსწავლეების აღზრდა, რომლებსაც აქვთ საკუთარი აზრი, არჩევანი და მართავენ თავიანთ სასწავლო პროცესს. ინიციატივის გამოვლენით, PYP-ის მოსწავლეები საკუთარ სწავლებაზე იღებენ პასუხისმგებლობას.

IB მოსწავლის პროფილი PYP-ში

IB მოსწავლის პროფილი ადამიანის გუნება-განწყობილების შესაძლებლობებისა და თვისებების ფართო სპექტრს ასახავს, რომელიც ინტელექტუალურ, პიროვნულ, ემოციურ და სოციალურ ზრდას უზრუნველყოფს. მასწავლებლები, სკოლის ადმინისტრაცია და მშობლები – სასწავლო საზოგადოების ყველა წევრი პასუხისმგებელია IB-ს მოსწავლის პროფილის ატრიბუტების განვითარებაზე.

საერთაშორისო ბაკალავრიატის მოსწავლე მიისწრაფვის, რომ იყოს მკვლევარი, მცოდნე, მოაზროვნე, კომუნიკაბელური, პრინციპული, გონებაგახსნილი, მზრუნველი, გაბედული, გაწონასწორებული და რეფლექსიური.

IB მოსწავლის პროფილის შესახებ მეტი ინფორმაციისთვის ეწვიეთ ბმულს

10 მიზეზი

როგორ უზრუნველყოფს IB-ის დაწყებითი საფეხურის პროგრამა (PYP) აქტიური ახალგაზრდების აღზრდას და მათთვის სწავლის სიყვარულის შთაგონებას, რომელიც მთელი ცხოვრების განმავლობაში გაჰყვებათ.

1. ცნობისმოყვარეობის წახალისება: PYP მოსწავლეების ბუნებრივ ცნობისმოყვარეობას აფასებს და შემოქმედებითი, მხარდამჭერი და თანამშრომლობითი სასწავლო გარემოს შექმნას უწყობს ხელს.

2. კომპლექსური და ურთიერთდამოკიდებული სამყაროს შეცნობა: PYP-ს მოსწავლეები საკუთარ შეხედულებებს და გაგებას რეალურ სამყაროში არსებული საკითხების შესწავლით აყალიბებენ.

3. PYP-ს მოსწავლეები თავდაჯერებული კომუნიკატორები არიან: PYP-ს მოსწავლეები კომუნიკაციას სხვადასხვა გზებით, ერთზე მეტ ენაზე სწავლობენ.

4. ვისწავლოთ ის, თუ როგორ უნდა ვისწავლოთ: PYP-ს მოსწავლეები აქტიურად თანამშრომლობენ მასწავლებლებთან და თანატოლებთან საკუთარი სწავლების დაგეგმვის, წარმოჩენისა და შეფასების მიზნით.

5. საერთაშორისო აზროვნების ხელშეწყობა: თანამშრომლობა და როგორც საკუთარი, ისე სხვა კულტურების გაგება PYP-ს მნიშვნელოვან ფოკუსს წარმოადგენს. მოსწავლეები ურთიერთპატივისცემასა და კრიტიკულ აზროვნებას სწავლობენ.

6. განსხვავებული პერსპექტივების გაგება: საგნების როგორც ინდივიდუალური, ისე ტრანსდისციპლინური შესწავლით, PYP-ს მოსწავლეები კრიტიკულ და კრეატიულ აზროვნებას ცოდნის, გაგების და მნიშვნელოვანი უნარ-ჩვევების  გასავითარებლად იყენებენ.

7. PYP-ს მოსწავლეები მოქმედებენ: PYP-ს მოსწავლეებს სჯერათ თვითგანვითარების და წარმატების, აკეთებენ მართებულ არჩევანს და პასუხისმგებლობას იღებენ საკუთარ ქმედებებზე.

8. საკითხების ანალიზი: კრეატიული სწავლება გამჭრიახი და ფართო წარმოსახვის მქონე მოსწავლეების აღზრდას უზრუნველყოფს, რომლებიც წარმატებით უპასუხებენ ახალ და მოულოდნელ გამოწვევებს თუ შესაძლებლობებს, სულ უფრო გლობალიზებულ და ცვალებად სამყაროში.

9. სკოლის სასწავლო საზოგადოების ჩართულობა: ერთად ვაცნობიერებთ ჩვენს საერთო ჰუმანურობას და გვჯერა, რომ განათლებას უკეთესი და მშვიდობიანი სამყაროს შექმნა შეუძლია.

10. მზრუნველი და პასუხისმგებლობიანი მოქალაქეები: მოსწავლეებს საკუთარი იდეების, მოსაზრებების გამოხატვა და ისეთი გადაწყვეტილებების შეთავაზება შეუძლიათ, რომლებიც პოზიტიურ ცვლილებებს გამოიწვევენ როგორც თავიანთ, ისე სხვების ცხოვრებაში.

IB-ის მიერ ჩატარებულ კვლევებზე დაყრდნობით